Current affairs | Evening News Marathi
Current affairs 2 July 2019 Marathi |
2 जुलै 2019 करेंट अफेयर्स मराठी
लोकसभेत ‘केंद्रीय शैक्षणिक संस्था (शिक्षक संवर्गात आरक्षण) विधेयक’ मंजूर
संसदेच्या लोकसभेत विद्यापीठात शिक्षकांच्या नियुक्तीमध्ये आरक्षणाच्या संदर्भातला ‘केंद्रीय शैक्षणिक संस्था (शिक्षक संवर्गात आरक्षण) विधेयक-2019’ मंजूर करण्यात आले आहे.
हे विधेयक आरक्षण देण्याच्या प्रस्तावासाठी विद्यापीठ किंवा महाविद्यालयाला एक विभाग गृहीत धरण्याऐवजी एक एकक बनविण्याचे प्रस्तावित करते. हे विधेयक सर्व केंद्रीय विद्यापीठांना लागू असेल.
या विधेयकान्वये देशातल्या 41 केंद्रीय विद्यापीठांमधील सुमारे 8,000 रिक्त पदे भरणार आणि सर्वसाधारण प्रवर्गामधील आर्थिकदृष्ट्या कमकुवत प्रवर्गासाठी 10% आरक्षण देखील दिले जाणार.
पार्श्वभूमी
एप्रिल 2017 या महिन्यात अलाहाबाद उच्च न्यायालयाच्या आदेशावरून हा आरक्षणाचा मुद्दा उद्भवला आहे, ज्यामध्ये विद्यापीठात अनुसूचित जाती आणि अनुसूचित जमाती प्रवर्गासाठी आरक्षणाच्या संदर्भात होता. आरक्षण देण्यासाठी शिक्षकांच्या जागांची संख्या मोजण्यासाठी स्वतंत्र विभागांना मूलभूत एकक मानली जावी. उच्च न्यायालयाच्या आदेशाला सर्वोच्च न्यायालयात आव्हान देण्यात आले होते आणि तो आदेश रद्द करण्यात आला.
UGCचा संशोधनाला चालना देणारा ‘STRIDE’उपक्रम
भारताच्या सामाजिक-आर्थिक विकासासाठी भारतात संशोधनात्मक संस्कृती रुजविण्याच्या उद्देशाने विद्यापीठ अनुदान आयोगाने (UGC) स्किम फॉर ट्रान्स-डिसिप्लीनरी रिसर्च फॉर इंडियाज डेव्हलपिंग इकॉनॉमी (STRIDE) नावाचा एक नवीन उपक्रम मंजूर केला आहे.
सामाजिकदृष्ट्या संबंधित, स्थानिक गरजांवर आधारित, राष्ट्रीय महत्त्वपूर्ण आणि जागतिक स्तरावर महत्त्वपूर्ण संशोधन प्रकल्पांना पाठिंबा देण्यासाठी हा पुढाकार घेण्यात आला आहे. अर्ज प्राप्त करण्यासाठी योजनेचे संकेतस्थळ दि. 31 जुलै 2019 पासून सुरू करण्यात आले आहे.
ही योजना महाविद्यालये आणि विद्यापीठांमध्ये संशोधन आणि अभिनव कल्पना याची संस्कृती रुजविण्यात बळकटी आणणार आणि सहकारी संशोधनासोबत भारताच्या विकसनशील अर्थव्यवस्थेमध्ये योगदान देण्यासाठी विद्यार्थ्यांना आणि शिक्षकांना मदत करेल. शिवाय, मानवता आणि मानवशास्त्र या क्षेत्रात बहु-संस्थात्मक जाळे उभारून शोध प्रकल्पांना निधी देखील पुरविला जाणार.
या कायद्यान्वये तरुण प्रतिभावंतांची ओळख पाठवणे, संशोधनाची संस्कृती बळकट करणे, क्षमता बांधणी, राष्ट्रीय विकासासाठी नवकल्पनांना प्रोत्साहन देणे हे उद्दिष्ट ठेवण्यात आले आहे.
No comments:
Post a Comment